Tuesday, May 17, 2011
Wednesday, April 20, 2011
Sunday, March 20, 2011
तिम्लाई नजर लगाएर...

तिम्लाई नजर लगाएर, घायल भो कृष्ण प्यासी ।
भावनालाई जगाएर, घायल भो कृष्ण प्यासी । मन थिएन जोगी बन्न, भै-भै आज माग्दै,
भिख मुट्ठी मगाएर, घायल भो कृष्ण प्यासी ।
नसोची देउ उल्टा कुरा, धेरै मन छ माया दिन,
सक्ने भै-भै ठगाएर, घायल भो कृष्ण प्यासी ।
कस्तो नसिब रैछ कुन्नि,सोचे उल्टो हुने,
सच्चा सबै बगाएर, घायल भो कृष्ण प्यासी ।
माया दिन्छु भन्दै गएँ, झुठा भए कुरा सबै,
कमजोरपनले सगाएर, घायल भो कृष्ण प्यासी ।
ღ
गजल
Monday, October 4, 2010
गज़ल-बजाउँथें बाँसुरी.....

बजाउथें बाँसुरी, बज्थ्यो छक्क लाग्थ्यो ।
हसाउथें बाँसुरी, हाँस्थ्यो छक्क लाग्थ्यो ।
हँसाई अनि बजाईमा, सुखी दर्द हुन्थ्यो होला,
रुवाउथें बाँसुरी, रुन्थ्यो छक्क लाग्थ्यो ।
निर्जीव त्यो सजीव लाग्थ्यो, उत्ताउलो बनाउँदा,
खेलाउथें बाँसुरी, फुल्थ्यो छक्क लाग्थ्यो । सुम-सुम्याउँदा बाँसुरीलाई, मत्ताउने लट्ठ बनाई,
डुलाउँथें बाँसुरी, डुल्थ्यो छक्क लाग्थ्यो ।
पाउथें साथ् बोल्दा संगै, माया कति-कति,
बोलाउथें बाँसुरी, बोल्थ्यो छक्क लाग्थ्यो ।
ღ
गजल
Saturday, September 25, 2010
गज़ल- गज़ल भित्र.....
गज़ल भित्र प्यारी सानु, मर्न मन छ तिम्रो लागी ।
सेर अनि रदिफमा, सर्न मन छ तिम्रो लागी ।
जीन्दगी त सुम्पेकोछु, गज़लमा किन हट्थेँ,
छोडी संसार काफियामा, टर्न मन छ तिम्रो लागी ।
कहिले दु:ख कहिले सुख, जीन्दगी यो यस्तै रैछ,
साँघु बनाई गज़लबाट, तर्न मन छ तिम्रो लागी ।
गज़ललाई प्रेम गरें, तिम्रो यादलाई थमाउदै,
गज़ल झर्ना बनि सानु, झर्न मन छ तिम्रो लागी ।
मर्नु परे जल्नु परे, जिन्दाबाद छ गज़ल साथी,
मर्नु अघि सानु गज़ल, भर्न मन छ तिम्रो लागी ।
ღ
गजल
गजल- "दुई दिने यो....."
मन मिल्ने मान्छे संग, तर्की किन हिड्नु सानु ?
आउ गासौं चोखो प्रित, अंगालोमा कसी,
बैंस फुलाई धर्ति बीच, लर्की किन हिंड्नु सानु ?
बैंसालु त्यो उमेरलाई, नलुकाउ है पर्दा भित्र,
अत्तर त्यो बैंसको, छर्की किन हिंड्नु सानु?
नलाउने भए माया, किन नजर कायल पार्छ्यौ ?
बारम्बार अघि बाट, मर्की किन हिंड्नु सानु ?
म त तिम्रो प्यासी सानु, तिमी मेरी ठाने डल्ली,
पुल-पुलिएर पुलुक-पुलुक, फर्की किन हिंड्नु सानु ?
ღ
गजल
गज़ल- "क बाट....."
क बाट गज़ल लेख्छु, ख पछी आउँछ ।द लाई संधै बोलाउछु, स पछी आउँछ ।
अर्थ धेरै लाग्दा रैछन, अल्मलिंछु कहिले-काहिँ,
गज़लमा ग लेख्दा, ल पछी आउछ ।
गज़ल मेरो बुझ्यौ भने, सकारात्मक मानीदिनु,
साहित्यकार मान्यौ भने, र पछी आउँछ ।
प्यारी सानु कसो गरौँ, मर्न खोज्छु शब्द भित्र,
यो मर्दलाई बुझी हेर्दा, द पछी आउँछ ।
यस्तो शब्द्जाल भित्र, माया धेरै टाँसेकोछु,
मलाई बुझीदेउ सानु, म पछी आउँछ ।
ღ
गजल






