♥♥♥तपाईंलाई कृष्ण प्यासी ब्लगमा हार्दिक स्वागतम ...!♥♥♥

Sunday, October 26, 2014

हाईकु - ५ हाईकु...


१. खोली तरेर,
    माया गर्छु सधै म,
    आँखा छलेर।
                              २. देख्छु पुष्पमा,
                                  सधै भरी सानुको,
                                  तस्बिर झल्को।
                                                              ३. जाने भो मन,
                                                                   नभेटी तिमीलाई,
                                                                   खोली तरेर।
 ४. रानी तरह,
      नजरमा बसेकी,
      दिलकी सानु।
                              ५. साँचेको  माया,
                                   तिमीलाई भनेर,
                                   बाँचेको आज।

Monday, April 21, 2014

शुभ-कामना...


नयाँ बर्ष २०७१ सालको पावन अबसरमा हजुर लगायत हजुरको सम्पुर्ण परिवारमा हार्दिक मंगलमय शुभ-कामना ब्यक्त गर्दछु।

Tuesday, August 6, 2013

गज़ल - मन भित्रका.....


मन भित्रका भावहरु, गाउँछ गज़लले।
ओठ भरी मुस्कान, ल्याउँछ गज़लले।

फ़ुराऊँछ  शब्दहरु,  मन  मुट  भित्रै  बाट,
कस्तो होला मन भनि, च्याउँछ गज़लले।

के-के बोल्छ भावनामा, भन्दै मन चोर्छ,
हात  दिंदै  साथ  दिन,  दाउँछ  गज़लले।

ओकलाउँछ शब्दहरु, रुवाउँछ गज़लले,
खुसी बने भित्रै  देखि, हसाउँछ गज़लले।

बेरि  दिन्छ  काफिया   र, रदिफ़ले  आँफै,
मिठास बन्न तखल्लुसमा, धाउँछ गज़लले।

Wednesday, April 24, 2013

गज़ल- प्यासी सित मेरी सानु.....


प्यासी सित मेरी सानु, सजाउन पो आउँछेउ कि त ।
मनको  उथल रात भरी, बगाउन पो आउँछेउ कि त ।

स'जाकिछेउ बगैंचा  नै,  फूली  ढक-मक्क  तिम्ले,
भमरा यो प्यासीलाई, बसाउन पो आउँछेउ कि त ।

प्यासी प्यासी तिम्रै प्यासी, दिल प्यासी  मन प्यासी,
प्यासी सँग प्यासी माया, लगाउन पो आउँछेउ कि त ।

चन्चल  मनले  बोलाउछु,  टोलाउँछु  कल्पनामा,
बसन्तमा लाली-रंग, रंगाउन पो आउँछेउ कि त ।

दिलको प्यासी तिम्रो प्यासी, बनि दिउँला तिम्रो इक्षा,
प्यासीको त्यो बगैंचामा, रमाउन पो आउँछेऊ कि त ।

Sunday, March 10, 2013

गजल- नगरे नि गल्ति.....


नगरे नि गल्ति तिम्ले, गर्‍या देखें आज मैले ।
चट्ट मुटु तोडी तिम्ले, सर्‍या देखें आज मैले ।

कति थियो माया सानु, नाप्न भुल्यौ प्यासी सित ।
भुल्यौ नासो  पराई  सित, चर्‍या  देखें  आज  मैले ।

कस्तो होला दिल तिम्रो, जन्म दियौ माया मार्यौ,
भुली जीवनसाथी खोला,  तर्‍या  देखें  आज  मैले ।

थिएन त माया भने, किन गाँस्यौ जुनी काट्ने,
टुट्यो  मुटु  बर्खे  झरी,  पर्‍या  देखें  आज  मैले । 

बाँच्छु सानु जसो-तसो, नासो च्यापी नाम लिँदै,
आँफु  आँफै  पहिरोमा,  मर्‍या  देखें  आज  मैले ।