पहिलो चोटी भेट भा'को, कल्कलाउँदो बैंश रै'छ ।
सानुको त्यो नजरमा, जल-जलाउँदो बैंश रै'छ ।
कसरी म तारिफ गरूँ, बोली बचन लट्ठै पार्ने,
मधुर त्यो मुस्कानमा, सल्-सलाउँदो बैंश रै'छ ।
एकोहोरो हेराइले , मताउला झैँ भयो,
थल-थलाउँदो शरीरमा,तल्-तलाउँदो बैंश रै'छ ।
मनै मेरो बदलेर, कति मन चोर्या होला,
साच्चै भन्छु उनि संग, भल-भलाउँदो बैंश रै'छ ।
कसरी म बर्णन गरूँ, गजलबाट उनको हजुर,
तारिफ गर्दा कम हुन्छ, हल्-हलाउँदो बैंश रै'छ ।
